Aug 19th, 2007 - 19:09:37 |
حكمت البيداري
أسمك ياعراق
أسمك وين ينام ... وين ينام ويغفى
شفى أتغار وتحسد ... أتغار وتحسد شفه
أحتار الگلب يضمك وين ... لكل دگه تصحالك عين
أسمك ياعراق ... وين ينام ويغفى
...
اأسمك لو ناديته ... لو ناديته يتمنى
بصوته البلبل بيه ... يغرد بيه ويتغنى
حلو النغم حلو المعنى ... هلاهل أعراس وحنى
أسمك ياعراق ... وين ينام ويغفى
...
أسمك مثل الغيمه ... مثل الغيمه الطيبه
تمطر فرح وخير ... فرح وخير حبيبه
نافوره من مي الجنه ... العطشان عليك يتعنى
أسمك ياعراق ... وين ينام ويغفى
...
أسمك شمس تشرق ... تشرق تمحى الظلمه
أتشوف التايه وين ... دربه منين أتعلمه
تعلمه وين دربه منين ... مو لمفتح حتى الأعمى
أسمك ياعرق .. وين ينام ويغفى
...
حكمت البيداري
بغــــــــداد 2005
Aug 19th, 2007 - 06:46:28 |
حكمت البيداري
الوضع جاف ..
قصيدة شعبية وطنية أهديها لكل وطني شريف، سبي من ارضه وأضطهد في دينه وحورب في قوته وأهينة كرامتة على يد الغزاة ومن كانوا .
الوضع جاف ..
حيل جاف
وطلعت ريحته
منو
منو بينا
مو أخو خيته
الي يباوع على بيتنا
نهجم عليه بيته
كلكم اسمعوا
وللماسمع سمعوه
أخاف
أخاف واحد ماعرف
الخاين وطن
بايع شرف
معروف كنية
أصل وفصل
عرروگ بالجسد
صعبه تنفصل
لاهم ترك
لاهم عجم
ولاهم عرب
ونگول والنعم
شعب لملوم
نسل مغول وتتر
أشتركوا ابجريمة
ضد البشر
مانسينا بيوم
دين الله وعبادة
غاروا عليه بادوه
أطفال، نسوان
الي انذبح أنذبح
والباقي سُبوه
من يومهم
تاريخهم أسود
مثل گلوبهم بَقّوه
ضميرهم ميت
چاف ومادفنوه
ولكم
لآجدادكم بالنسل
مادامت دوم
ولكم
يجيكم يوم ياسفلة
يجيكم يوم
حكمت البيداري
6-6-2007
Aug 18th, 2007 - 14:51:29 |
حكمت البيداري
ياصاحبي
إيه لو تدري
ما أصابني.. ما ألمّ بي
يوم عدت وسألت أمي
أين أوراقي . كتّبي
أفكار عقلي وما سطرَّ قلمي
إبتسمت لي ثم ضَحكت
سكنت الدمعة عينيها وبكت
وقالت . ياولدي
أوراقك . كتبك .عقلك
أكلتها النيران
أنا وأبوك وأُختك وأخوك
وساعدتنا بنت الجيران
في تنور الخبز رميناها
قبل أن يأتي جُند السلطان
هكذا قال أبوك
إن وجدوها
لن نراك بعد الآن
رحم الله أبي
سامح الله أمي
أختي وأخي
وتلك الحبيبة
بنت الجيران
حكمت البيداري
Aug 18th, 2007 - 14:51:04 |
حكمت البيداري
احذروا ..
عليكم بالحذر ياعراقيين
اعداء لكم متربصين
لاتغمضوا عيونكم
لا تحركوا جفونكم
احترسوا من عدوكم
فعدوكم غدار أثيم
من حولكم حاقد لئيم
لا تتركوا لهم ابوابكم مفتوحة
قلوبهم من الرحمة ممسوحة
من نال منكم غفلة مرة
خذوا من غدره لكم عبرة
تكاتفوا بالحلوه والمرة
تعاضدوا وتسلحوا بالخبرة
أحموا أقلامكم
اصواتكم
تاريخكم
وطنكم
فليس لكم سوى العراق
ومن لكم سوى العراق
حكمت البيداري
30-7-2005
Aug 18th, 2007 - 14:50:45 |
حكمت البيداري
ليلكم لن يطول
الى متى
يبقى البعير على التل
الى متى
يتحكم فينا هذا الجهل
ياكائنات من غباء
يا آلات بلا دماء
الا يكفي الاينطفي
نار حقدكم المسلول
على العلم على العقول
يا أعداء المدنية
ياقاتلي الحرية
الايكفي
وبطونكم غدت طبول
الم تشفي
غلكم يامجاعة الغول
غدا غدا
لامحال لامحال
مصيركم هوا الزوال
غدا غدا
لامحال لامحال
ستشرق شموس الأجيال
على أوكار الظلام والظَلال
وليلكم لا ..
لن يطول
حكمت البيداري
الصفحة:
1
2
3
4
(مجموع الأخبار: 17)
 feed
|
القائمة
مٌدوّنات