من دون كل الناس .. انت


من دون كل الناس .. انت الرقه والاحساس .. انت

يانبع يروي حنان وجفوفك بر الامان

تاج انت فوك الراس وحبي الك ماينقاس

من دون كل الناس .. انت


كلامك حبيبي طعمه عسل همسك عواطف مليانه امل

انت الملك والامير ياابو الكلب الجبير

يللي بصفاتك ماصار وحصل ..


احلامي حبيبي اغلى الامنيات وياك ياروحي شمحلى الحياة

خليت عمري دوم يوم اسعده من يوم

ماكدرت علينا شلت الشمات ..


يحرسك حبيبي رب العباد يحميك يبعدك عن الحساد

ياجنتي ياملاك العذال كلها فداك

حبك ملك مهجتي ولب الفؤاد ..

من دون كل الناس انت ..


حكمت البيداري
الدانيمارك 2002

محتاج الك ..

محتاج الك ويمي اريدك انت وين انت وين

محتاج الك مدلي ايدك امسح دموع العين

وياك يابلسم جروحي من الالم ترتاح روحي

انت وين وين محتاج الك ..


حبنه من يوم الهجرته غابت افراحه وضكته

الناس مسروره وتغني وانا وي نوحي ووني

علي دربك وانتظارك ابقى لو عمري خسرته
انت وين وين محتاج الك ..


من فراكك رايح اجن والشوق طاحني طحن

شللي بعيوني ونظره يللي طيفك ما يمرها

شيصير لو تذكرني مره ويوم لو كلبك يحن

انت وين وين محتاج الك ..


با سمك اصيح بعلو صوتي وينك يا مقربلي موتي

يمتى يا مسبب عذابي تجي وتدك علي بابي

تعال واسكن وسط قلبي هوا بيتي الك بيتي

انت وين وين محتاج الك ..


حكمت البيداري
2.1.2001

كوه عايش..كوه اتنفس هوا

ابوجهي الشمس وعيوني ماشافة ضوا

احس نفسي ما اللي بالدنيا لزوم

بس للقهر..بس للحزن.. بس للهموم

ايه ..ايه ياروحي هذا قدرنا ونبقى نتألم سوا

...

وياج يادنيا الجنيته بس عذاب

تعبي ضيعته ولكيته بجف تراب

الفرح مامرني مره

بالجذب وهم وسراب

والالم بظلوعي جمره

ونار وصلت للثياب

والطب سكاني انواع السموم

بيها اتأمل اتحرك واكوم

عذبت وييايه جسمي وعلتي ما الها دوا

كوه عايش..كوه اتنفس هوا

...

انهدم احلام عمري

وظل خراب

خلصت اسنين صبري

بلا ثواب

والحد مفتوح بابه

لزغار وشيب وشباب

والجسد راد لترابه

وهلبت ليوم الحساب

يا اجل عجل القدر مقسوم

فوك جسمي كافي ..كافي تحوم

بلا امل جانت حياتي وثمره ماالها نوا

كوه عايش كوه اتنفس هوا


حكمت البيداري
بغداد 1995

يافرح


ياحلو يابنتي بنيتي يافرح

يابعد بيتي بيتي يافرح

يا فرح يم شعر السرح يم ضحكه يم وجه المرح

يم خدود تفاحه يومچ حلو مصباحه

يا بعد عيني عيني يافرح

سالوني اهل الصوبين گالولي هل حلوه منين

جاوبت عربيه والحسن حوريه

يابعد بيتي بيتي يافرح

كل عيد وانت يافرح دوم ابخير ومرح

عيدها ياربي عيده كل سنه واحنه نعيده

يابعد روحي روحي يافرح


حكمت البيداري
1986 بغـــــداد

غناء الفنان عادل عكله

فراگ الأحباب حرام ..


وياك وياك وياك ياطير الحمام

وياك وياك وياك وصلي سلام

گله وحچيله عليا وشوف هجره أسووا بيا

فراگ الأحاب حرام ..


گله عذبني حنيني ولاخبر منه يجيني

لشوفته مشتاگه عيني الليل ماتغفى وتنام


وياك وياك ..


گله من بعدك ياغالي المن أشكي وهذا حالي

غايب أنتَ وعلى بالي عشرتك وأحلى الكلام


وياك وياك ..


كله هذا العمر شمعه يذوب دمعه على دمعه

ليش من عدنه نظيعه ياعمر للناس دام


وياك وياك ..


حكمت البيداري