|
Blogs |
|
|
 |
Apr 28th, 2004 - 15:06:59 |
HDBK
Djasabra último 17 di aprel 2004 míles di hóbennan di diferente pais rònt mundu a selebrá Dia Mundial di Servisio Hubenil, dunando asina un kontribushon positivo na nan komunidat dor di hasi trabou boluntario.
E aña aki, pa promé bes, Bonaire Youth Outreach Foundation a involukrá hóbennan Boneriano i Kurasoleño den e selebrashon aki. E grupo di Boneiru, Hóbennan di Bon Kurason, a keda sostené dor di un grupo grandi di Parlamentarionan Hubenil i Miembronan di Konseho Insular Hubenil di Kòrsou.
E hóbennan a fèrf i limpia e Green House i kura di Zr. Maria Hoppner. Zr. Maria Hoppner a keda sumamente agradesido pa e yudansa ku nan a risibí di e hóbennan.
Pa e okashon aki Gezaghebber di Teritorio Insular di Boneiru a hasi akto di presensia i a sostené e hóbennan.
Sr. Domacasse a elogiá e hóbennan pa ku e bunita inisiativa aki i a mustra e hóbennan ariba e echo ku hóbennan di dos diferente isla ta trahando huntu den union pa desaroyo di nan pais. E hóbennan di kada isla e demonstrá nan apresio pa e sosten i enkurashámentu ku nan a risibí di Boneiru su promé suidadano.
Pa e dia aki por a bira posibel e hóbennan a haña donashon di MCB Boneiru, Krioyo Paint i Amado Felix di Archie Tours. Di parti di tur e hóbennan ta bai un danki di kurason.
Page:
1
(Total Blogs: 1)
 feed
|
 |
 |
 |
|
Menu
